Oldeskaret (Oldedalen-Stardalen)

Fellestur

Dato
11. august kl. 06:30
Vanskelighetsgrad
Middels  
Passer for
Alle
Arrangør
Indre Sunnfjord Turlag
Turområde
Breheimen med Jostedalsbreen (se kart)

Oldeskaret er ei gamal ferdselsrute mellom Oldedalen og Stardalen. Turen startar frå Melkevoll (140 m.o.h.) med noko bratt oppstigning til ca 600 høgdemeter. Men stien er nyleg oppgradert av sherpaer som har laga til fine trappetrinn, og på dei brattaste partia er det tilrettelagt med kjetting. Vi får raskt utsikt over Oldedalen og etterkvart som vi stig kjem også Briksdalsbreen også til syne. For å få ei flott utsikt over dalen og breane kan vi ta ein liten avstikkar bort til fossen i elva Svadåna. 

Når vi nærmar seg sjølve skaret krysser vi ei elv som er tilrettelagt med ei flott bru. Her oppe ligg og steinhytta Jarbu. På det høgaste punktet på 1100 m.o.h er det ein fin varde som markerer stemneplassen. Det var i samband med unionsoppløysinga at folket  i Olden og Stardalen tok til å halde sommarstemne her.

Etter ein god matpause på stemneplassen vandrar vi vidare mellom fjell, vatn og bre. Vi går ned langs Storevatnet og over Spelemannsmyra før vi kjem ned til Haugastøylen. Nedanfor Haugastøylen kjem vi inn på ein grusvei som vi følgjer ned til Høyset i Stardalen der bilane våre står parkert. 

Gåturen tek omlag 6 timar.  

Avreise frå Esso i Førde kl 06.30. Herifrå køyrer vi med privatbilar (samordna) til Høyset i Stardalen. Derifrå køyrer vi i buss til Briksdalen. Avgang frå Melkevoll bretun i Briksdalen kl 10. Påmelding pga busstransporten. Det er begrensa tal plassar på denne turen.

Pris for tur/buss:
Kr 200,-  pr. person for medlemmer i Indre Sunnfjord Turlag/DNT. Kr 300,- pr. person for ikkje-medlemmer. Gratis for born frå 12 år og yngre. Halv pris for born og ungdom (13-26 år). Påmelding og betaling på heimesida til Indre Sunnfjord Turlag.

Påmelding innan onsdag 7. august via denne nettsida. Ved spørsmål ta kontakt med turleiarane Roy Raasholm Fauske og Heidi Brekkhus Ødemark.

Her kan du sjå bilete og lese reprotasje frå turen i 2016.

Oldeskaret (Oldedalen-Stardalen)

Oldeskaret er ei gamal ferdselsrute mellom Oldedalen og Stardalen. Turen startar frå Melkevoll (140 m.o.h.) med noko bratt oppstigning til ca 600 høgdemeter. Men stien er nyleg oppgradert av sherpaer ...

Kontaktinformasjon: